--Ads--
Dumanon iti 24,571 nga aspiring cadets iti Luzon ti nakipaset iti Philippine Military Academy Entrance Examination idi Setyembre 24 ken Setyembre 25.
Iti interview ti Bombo Radyo, kinuna ni Lt. Col. Mark Anthony Ruelos, Public Information Officer ti PMA, balligi ti naisayangkat nga eksaminasyon iti baet ti pangta ti bagyo a karding.
Dinakamatna a rumwar ti resulta ti eksaminasyon inton Oktobre.
Immuna metten a nag-exam dagiti 6,739 nga aplikante sadiay Mindanao idi Agosto ken 2,705 nga aplikante sadiay Visayas idi Setyembre 10 ken Setyembre 11.
Sigun kenni Ruelos, manipud iti pakabuklan a bilang dagiti examinees iti pagilian, 350 agingga 400 nga estudyante laeng ti mangbukel iti PMA Class of 2027.
