Nirespondian ken inasistaran ti kapulisan ti 25-anyos a lalaki kalpasan a nakita nga agtugtugaw iti guardrail overpass iti siudad ti Baguio.
Maibasar iti report ti kapulisan, nakaawat dagitoy ti impormasyon manipud ti SC3 seknan iti maysa a lalaki nga agtugtugaw napeggad a paset ti overpass.
Dagus a naiturong ti lalaki iti station ti kapulisan kalpasan.
Iti pannakiuman ti kapulisan iti lalaki, inaklunna nga addaan iti personal ken financial difficulties.
Binalakadan daytoy dagiti kapulisan nga agturong iti Baguio General Hospital and Medical Center (BGHMC) para ti umno a medical psychological evaluation ngem nagkedked ti lalaki isu’t gapuna a naitulod laengen iti pagnanaedan daytoy.
Maibalbakad kadagiti makapaspasar iti sintomas ti depression a dagus nga agkiddaw iti tulong kadagiti mapagtalkan, miembro ti pamilya, gayyem wenno awagan ti NCMH Crisis Hotline iti 1800-1888-1553 ken dadduma pay a maseknan nga ahensya para iti libre ken kompidensial a serbisyo.