Kinumpirmar ti Department of Foreign Affairs (DFA) a 25 nga Overseas Filipino Workers (OFWs) kaduada ti maysa a maladaga ti nakaballasiwen iti Egypt manipud Israel.
Sigun iti nasao nga ahensiya, dagitoy ti maika-pito a grupo dagiti Pilipino a nakaballasiw iti Taba border Crossing idiay Egypt manipud Israel.
Dagos met a tinulongan dagitoy ti Philippine Embassy idiay Cairo tapno maiproseso a dagus dagiti immigration documents da idiay Egyptian Immigration Arrival Hall.
Kinumpirmar metlaeng ti Department of Foreign Affairs nga dumanon iti 649 a Pilipino idiay Middle East ti nakasaganan nga agawid.
Kaaduan kadagitoy ket manipud Qatar, Dubai-UAE ken Jeddah idiay Saudi Arabia.
Mannarimaan metteng ti panangmonitor kadakuada ti Philippine Embassy ken Migrant Worker Office. //bombokaren.c.s
