BAGUIO CITY – Pinadayawan ti lokal a gobierno ti Baguio ti 26 a babbarangay daytoy gapu iti aktibo a panakipasetda iti Market-to-Home Program ti siudad.
Indauluan da Mayor Benjamin Magalong, Vice-Mayor Faustino Olowan ken ti konseho ti panakabigbig dagiti babbarangay iti naangay a seremonya idi kanikadua.
Ti nasao a programa ket agserserbi nga alternatibo dagiti residente iti panagturongda iti merkado.
Resulta daytoy iti panagadal dagiti maseknan nga opisyales ti Baguio City idi naipasidong ti siudad iti Enhance Communtiy Quarantine nga ituntunda ti COVID-19 pandemic.
Immunna metten nga insingasing ni Councilor Philian Weygan-Allan ti Market to Home Delivery Ordinance a puntiryana a mapasayaat ti marketing ti siudad babaen kadagiti standardized fees tapno maliklikan ti overcharging kadagiti produkto ken serbisyo.
