--Ads--
Nakemmeg ti maysa nga agtawen iti 26 a lalaki iti impatungpal a buybust operation dagiti kameng iti Baguio City Police Office-Police Station 7 idiay Melvin Jones Grandstand, Burnham- Legarda, Baguio City 9:00 iti rabii idi kalman.
Ti suspect ket tubo iti Lanao Del Sur ngem iti agdama ket agnanaed idiay iti Old Pipe Road Lower Rock Quarry, Baguio City.
Nakumpiskar manipod kenkuana ti 0.71 grams iti maatap a shabu nga aggatad iti PhP4, 828.
Karaman met kadagiti nakumpiskar a non-drug evidence ti asul a cellphone, maysa a piraso iti gunuine 500 peso bill a naaramat kas buy-bust money, ken dua a piraso iti 1000 peso bill a boodle money.
Iti agdama, addan iti kustodiya iti pulsiya ti suspect ken dagiti nakumpiskar nga ebidensya.//Bombo Noveh Organo
