BAGUIO CITY – Natiliw ti 26-anyos a lalaki manipud Bulacan iti buy-bust operation idiay Barangay Burnham-Legarda-Kisad, Baguio City pasado alas onse ti rabii idi kalman, Enero 27.
Ti suspek ket ibilbilang ti Philippine Drug Enforcement Agency Cordillera kas high value target.
Naala manipud kenkuana ti 10 bricks ti dried marijuana leaves nga agdagsen iti MOL 10,000 grams nga aggatad iti P75,000 pesos, DBB value a P1.2 million ken dadduma pay a drug paraphernalia.
Ti operasyon ket balligi nga impatungpal ti PDEA CAR Baguio ken Benguet Provincial Office, Baguio City Intelligence Team – Regional Intelligence Unit 14, Regional Mobile Force Battalion 15, Baguio City Police Office Station 5.
Sumango ti suspek iti kaso a panaglabsing iti RA 9165 wenno ti Comprehensive Dangerous Drugs Act of 2002.
