Nakumpiskar ti 275 a kilo ti karne ti baboy ken manok iti Baguio City Public Market kabayatan ti inspeksyon ti National Meat Inspection ken City Veterinary Office idi kalman.
Maibasar iti interview ti Bombo Radyo News Team, uppat nga stalls ti naglabsing it Department of Agriculture Administrative Order No. 6 series of 2012 wenno ti Mishandling of Frozen Food Products.
Kabayatanna, manipud kadagiti nakumpiskar a karne, sangapulo ket lima a kilo ti whole chicken ti tinakaw ti saan pay a nabigbig nga indibidual manipud iti lugan nga inusar dagiti kameng ti National Meat Inspection ken City Veterinary Office.
Iti agdama ket manarimaan ti imbestigasyon dagiti otoridad.
Sigun met kenni Cristy, maysa a frozen meat vendor, pabor daytoy iti maipatpatungpal nga inspection iti merkado tapno maipasigurado a natalged dagiti gatgatangen dagiti konsumer a produkto.
