Pimmusay iti napasamak nga “stampede” ti 29 nga estudiante a maipasidong koma iti examination iti highschool idiay Central African Republic gapu iti panagbettak ti power transformer, sigun ti health ministry iti AFP ita nga aldaw.
Nakatugaw ti nasurok 5,300 nga estudiante iti maikadua nga aldaw ti baccalaureate examinations idi tiempo met a bemtak ti power transformer.
Gapu iti panagbutengda, nagtaray dagiti supervisor ken limmagto dagiti estudiante manipod iti umuna a kaadsaaran ti pasdek.
Dagos met a naibahe dagiti nadangran babaen ti ambulansia, pickup truck ken babaen ti motorbike taxi.
Iti social media ni President Faustin Archange Touadera, inyebkasna ti panakipagladingitna kadagiti pamilia ti pimmusay a biktima.
Gapu iti napasamak, indeklara ti presidente ti tallo nga aldaw a national mourning iti nasao a pagilian.
