--Ads--
BAGUIO CITY – Nabigbigen dagiti tallo a daddakkel a proyekto a maibangon iti nasurok 10 nga ektarya ti lote ti lokal a gobyerno ti Baguio City sadiay Baguio Dairy Farm nga indonar ti Department of Agriculture.
Sigun kenni Mayor Benjamin Magalong, maimplementar dagiti nasao a proyekto babaen iti public-private partnership scheme.
Kinunana a dagitoy a proyekto ket ti integrated transport terminal, baro a pagpartian ken cold chain facility para iti panakaipreserba dagiti natnateng nga agtataud iti lokalidad.
Impannakkelna a positibo dagiti prospective investors iti panakaibangon ti integrated transport terminal ti siudad isut gapuna a maisagsaganan dagiti plano para iti proyekto tapnu maipasidong iti competitive bidding process.
