--Ads--
BAGUIO CITY – Nakemmeg ti tallo a turista kalpasan a nakumpiskar kadakuada dagiti marijuana sadiay sadiay Bontoc, Mountain Province idi Dominggo, July 14.
Nabigbig dagitoy a da Michael Marciano Macunat, 27, gym instructor; Kent Tyron Rega Bejasa, 23 ken maysa a 17-anyos nga estudyante, bin-ig a residente ti Muntinlupa City.
Nakemmeg dagiti tallo kalpasan a nagresponde dagiti pulis iti tawag a naawatda mainaig iti iligal a droga nga imet dagiti suspek.
Nakumpiskar kadagiti tallo ti 10 a tubular form ken maysa a brick ti dried marijuana.
Sumangsango dagitoy iti kaso a panaglabsing iti RA 9165 wenno Comprehensive Dangerous Drugs Act of 2002.
