BAGUIO CITY – Nakemmeg ti tallo nga indibidual iti buy-bust operation nga insayangkat ti nagtipon a pwersa ti NBI-MIMAROPA ken NBI-Cordillera sadiay Purok 6, Upper Pinget, Baguio City idi kalman.
Nabigbig dagitoy a da Kurt Allison Callanta, 25-anyos, residente ti Upper QM, Baguio City; Servillano III Ignacio Abanilla, 27-anyos, tubo ti San Fabian, Pangasinan ken residente ti Purok 6, Upper Pinget, Baguio City ken ni Patrisha Denis Flores.
Nakumpiskar kadakuada ti lima a tubular form ti napagango a bulong ti marijuana, maysa a plastic bag a naglaon ti napagango a bulong ti marijuana, maysa a pakete ti maatap a shabu ken maysa a weighing scale.
Narekober metlaeng kadagitoy ti boodle money a naaramat iti transaksiyon.
Iti agdama, sumangsango dagiti tallo iti kaso a panaglabsing iti RA 9165 wenno iti Comprehensive Dangerous Drugs Act of 2002.
