BAGUIO CITY – Nakemmeg ti tallo nga indibidual iti panangiserbi dagiti otoridad iti search warrant iti maysa a balay sadiay Purok 1, Fairview, Baguio City idi kalman.
Inserbi dagiti otoridad ti search warrant iti pagtaengan ni Jonathan Galaw.
Nakumpiskar manipud iti silid ni Galaw dagiti napagango a bulong ti marijuana nga agdagsen iti 5.6 grams ken aggatad iti P1,400.
Nakumpiskar met laeng iti pagtaenganna dagiti nagduduma a drug paraphernalia.
Sigun kadagiti otoridad, kabayatan ti panakaiserbi ti search warrant ket dimteng iti nasao a pagtaengan ti dua a lallaki a nakaimet ti marijuana.
Nakumpiskar manipud iti dua dagiti marijuana stalks nga agdagsen iti 183 grams, marijuana leaves ken seeds nga agdagsen iti 19 grams ken marijuana buds nga agdagsen iti 8.7 grams.
Nakalanad iti report nga amin dagiti kontrabando a nakumpiskar manipud kadagiti tallo a suspek ket aggatad iti nasurok P27,000.
