BAGUIO CITY – Naipaayan iti dua a bulan tapnu ag-self rehabilitation dagiti tallo nga empleyado ti Baguio City Hall a nagpositibo iti iligal a droga kas maibasar iti confirmatory test dagitoy.
Kinuna ni Mayor Mauricio Domogan nga uppat dagiti nagpositibo iti confirmatory test manipud kadagiti empleyado ti City Hall nga immuna a nagpositibo iti drug test idi napalabas a tawen.
Nupay kasta, pimmusayen ti maysa kadagitoy gaputa nabayagen nga agsagsagaba iti terminal brain cancer a rason iti panagaramat daytoy iti marijuana.
Innayonna nga impaayandan iti paka-ammo dagiti tallo nga empleyado tapnu pagbalinenda a NEGATIVE ti POSITIVE a resulta ti confirmatory test dagitoy.
Imballaagna pay a no saan nga agbaliw dagiti tallo met mapilitan daytoy a mangipatungpal iti itudtuding ti linteg.
