BAGUIO CITY – Nakemmeg ti tallo a lallaki iti naisayangkat a drug buy-bust operation ditoy siudad ti Baguio.
Nabigbig dagitoy a da Renato Lee Lazaro, 52-anyos, taxi driver; Rolando Manaois, 45-anyos, mechanic, residente ti Tacay Road, Quezon Hill ken ni Jennylyn Alarba, 32-anyos a live-in partner ni Lazaro.
Nakemmeg dagitoy iti operasyon nga insayangkat ti City Drug Enforcement Unit, City Investigation Unit ken ti Station 1 ti Baguio City Police Office ken ti PDEA-Cordillera.
Nakumpiskar kenni Lazaro ti maysa a bulto ti shabu nga agdagsen ti agarup 5 grams ken aggatad ti P22,000.
Nakumpiskar met kenni Manaois ti dua a pakete a naglaon ti mapapati a shabu nga agdagsen iti 0.5 grams bayat nakumpiskar ken ni Alarba ti nagduduma a drug paraphernalia.
Sumangsango metten dagiti suspek iti kaso ti panaglabsing iti RA 1965 wenno iti Comprehensive Dangerous Drug Act of 2002.
