Pimmusay ti tallo nga indibidual iti pammalatog a napasamak idiay Swedish city ti Uppsala idi kalman, ken dagos a naiyuswat ti “murder investigastion,” sigun iti pulisya.
Manarimaan a sapsapulen dagiti pulis ti maysa a suspek iti pammaltog.
Maibasar iti report ti pulisia, nakaawatda ti awag manipod iti kameng ti publiko a nakangngegda iti panagputok ti paltog iti sentro ti siudad, ken dagos a nagturong dagiti emergency services iti nakapasamakan ti insidente.
investigators
“Three people are confirmed dead after a shooting… The police are investigating the incident as a homicide.”
Kinuna dagiti nakasaksi a lima a panagputok ti paltog ti nangngegda ken naimatanganda a nagtataray dagiti tatto tapno aglimmeng.
Maipalagip a pimmusay ti 10 nga indibidual idi Pebrero idiay Orebro City, Sweden gapu metlaeng iti pammaltog, ken 35-anyos nga awan panggedan ti nangpalpaltog kadagiti estudiante ken mannursuro iti maysa nga adult education centre.
Agsagsagaba ti Sweden ti kinaranggas a mainaig iti gang iti nasurok a sangapulo a tawen a pakairamanan ti epidemia ti kinaranggas babaen ti paltog.
