--Ads--
BAGUIO CITY – Nakemmeg ti tallo a tattao kalpasan a naaktuan ti panagsugsugalda iti uneg ti maysa a balay paginuman sadiay Cariño Street, Baguio City idi kalman.
Nabigbig dagitoy a da Danilo Elarde, 57-anyos, tubo ti Bicol Region ken residente ti Upper Rock Quarry; Mina Lapan, 41-anyos, manikurista ken residente ti San Luis ken ni Francia Rivero, 37-anyos, dishwasher ken residente ti Otek Street.
Maibasar iti report ti Baguio City Police Office, manarimaan ti panagpatpatrolya dagiti pulis ken simrekda iti nasao a balay paginuman.
Ditoy met a nakitada a mismo ti panagay-ayam dagiti nasao nga indibidual iti tong-its iti maysa a lamisaan.
Dagusda a kinemmeg dagiti tallo ken kinumpiskarda dagiti ar-aramaten dagiti tallo nga agsugsugal.
