Maysa nga agtawen iti 59 a lalaki ti dinangdangran dagiti tallo metlaeng a lallaki idiay Guadayan Puguis, La Trinidad, Benguet bayat ti Valentine’s Day.
Sigun iti report dagiti kameng iti pulisya, imparada ti biktima ti luganna iti maysa a pribado a parking lot a rinentaan dagiti tallo a suspect sakbay a nagturong iti pagub-ubraanna.
Kasaruno dayta, simmangpet met dagiti suspect ken nakitada ti nakaparada a lugan rason a sinapolda ti agtagikua iti daytoy.
Sigun kadakuada, agarop kinse a minutos a sinarakda ti biktima wenno ti agtagikua iti lugan ngem saanda daytoy a nasarakan rason a dagitoyen ti nangiyakar iti nasao a lugan usar ti kapada metlaeng a tulbek iti lugan.
Sigun pay iti report iti pulisya, apaman a naiyatras dagiti suspect ti lugan, dimteng ti biktima wenno ti agtagikua iti lugan ken makapungpungtot daytoy.
Gapu iti dayta, nagsisisnnungbat dagitoy a nagmaay iti panagdidinnangran kalpasan a pimmudot ti maysa kadagiti suspect nga immuna a nangdanug iti biktima, a pinasarunwan met dagiti dua pay a kakadwana.
Kabayatanna,inanawa met daytoy dagiti pulis a rimmesponde ken naiturong dagitoyen iti istasyon iti pulisya para iti disposisyon ken panakaipila iti kaso.//Bombo Noveh Organo