BAGUIO CITY – Dumanon iti agarup 300 a mannalon nga naapektaran iti African Swine Fever (ASF) ti nakaawat iti livelihood assistance a nagtaud manipod iti probinsial government ken Department of Agriculture (DA-Cordillera) sadiay Mt. Province.
Sigun kenni Provincial Veterinary Office (PVO) Assistant Provincial Veterinarian Daisy Cobaldez, nakailista dagitoy iti saggaysa a kaso ti ASF sadiay Barangay Banao sadiay Tadian ken sadiay Gueday, Besao.
Gapu iti daytoy, nainget itan ti panakaipatungpal ti PVO iti information education campaign babaen ti tulong ti DA- Field Office CAR pakairaman pay ti pannakaipaluspos ti livelihood assistance kadagiti babbarangay a naapektaran ti ASF manipod iti calamity fund a pondo ti probinsial a gobierno.
Kagiddan iti daytoy, isaysayangkat metlaeng ti PVO ti implementasyon ti nagduduma nga programa ken tapnu maamoan ti kasasaad dagiti mannalon a naapektaran iti ASF.
Tuttutukanda dagitoy para iti pannakarekober dagiti hog raisers a naapektaran iti ASF.
Malaksid iti dayta, ikalkalikagum wenno iyar-aramidda pay dagiti legal documents wenno issuances tapnu mai-implementar met ti programa ti DA nga Bantay ASF program iti nasao nga probinsia.
