Nirambakan ti Baguio City Police Office ti 31st anniversary dagitoy sadiay Baguio Convention and Cultural Center idi kalman.
Daytoy ket iti tema a “BCPO at 31 years: Strengthening Public Trust, Ensuring a Safer Baguio,” a mangipaspasimudaag iti tallo a dekada a public service ken komitment dagitoy iti missionda a mangpatalinaed iti linak ken kappia iti City of Pines.
Iti nasao a selebrasyon, nagserbi kas guest speaker ni PBGEN David Peredo Jr., Regional Director ti Police Regional Office-Cordillera.
Iti panagbitla ni PBGEN Peredo Jr., nagyaman daytoy kadagiti amin personnel ti Baguio City Police Office gapu iti agtultuloy a dedikasyonda ken ti panangmintinirda iti core values ti Philippine National Police.
Innayonna pay a ti nasao nga annibersaryo dagitoy ket “renewal” iti komitmentda iti panagserbida kasta met ti panang-inspireda kadagiti sumarsaruno a henerasyon ken ti panangipaayda iti “pride” wenno pammadayaw iti Summer Capital of the Philippines a pagserserbianda.
Kabayatanna, napadayawan dagiti deserving personnels, stations, dagiti units ti Baguio City Police Office ken dagiti nagduduma nga stakeholders gapu iti kontribusyon dagitoy.
