BAGUIO CITY- Dumanon iti 335 a benipisaryo manipud Benguet ti nakaawat iti pay-out idi kalman manipud iti Tulong Panghanapbuhay sa Ating Disadvantaged/Displaced Workers (TUPAD) a programa ti Department of Labor and Employment (DOLE).
Nagtaud dagiti benepisaryo sadiay Itogon, Sablan, Tublay, Tuba ken La Trinidad.
Sigun ken DOLE Baguio-Benguet Provincial Head Emerito Narag, agarup P2-M a pundo ti nailatang iti nasao a programa ken adda pay ti sabali a P180-M a pundo ita a tawen a maiwaras kadagiti 140 a barangay iti Benguet.
Dinakamatna a nangrugin idi Marso 15 ti panagtrabaho dagiti benipisaryo iti umuna nga implementasyon ti TUPAD Program ken manamnama dagitoy nga agsweldo inton Abril a pakaipalusposan ti P30-M.
Kabayatanna, naiwaras metten ti tulong pinansial iti dumanon 177 a benipisaryo ti Assistance for Individuals in Crisis Situation (AICS) ti lokal a gobyerno ti Benguet.
Nagtaud dagiti benepisaryo sadiay La Trinidad, Sablan, Atok, Tuba ken Kabayan
