--Ads--
BAGUIO CITY – Nalaus ti ragsak ti 34 a pareha a nagkallaysa idi kalman iti Mass Wedding a naipatungpal kas paset ti 36th Strawberry Festival sadiay La Trinidad, Benguet.
Sigun kenni Mayor Romeo Salda, imbaklay ti lokal a gobierno ti La Trinidad ti pannakagatang dagiti singsing ken regalo dagiti newly-wed couples.
Impaayanda pay dagiti agassawa iti saggaysa a cake ken puon ti arabica coffee nga imula dagitoy.
Innayonna pay a dagiti saan a nakapaset iti Mass Wedding ket mabalin latta nga agnumar iti ididiaya ti munisipio a libre a kasar.
