INDIA- Pimmusay dagiti tallo pulo ket uppat nga indibidual bayat a naiturong iti pagagasan dagiti dinosdosena kalpasan a nag-inom dagitoy iti iligal a naaramid nga arak iti southern Indian state ti Tamil Nadu idiay India.
Sigun kenni state’s chief minister M K Stalin, pimmusay dagitoy gapu ta addaan ti nasao nga arak iti methanol.
Dagus met a naideploy dagiti ambulansya, doctors ken specialists iti nasao a lugar tapno tulungan dagiti biktima iti daytoy.
Kinuna dagiti government official nga immuna a nakarikna dagiti biktima iti sakit ti tyan, panagsarwa ken dadduma pay kalpasan a nag-inom dagitoy iti nasao nga arak.
Kabayatanna, maipalagip a saan laeng a daytoy a gundaway ti nakapasamakanna ti kastoy agsipud nagbalin a common daytoy gapu ta saan a kaya a gatangen dagiti Indian dagiti licensed brands manipud kadagiti government-run shops.//Rose
