Nakemmeg ti 35-anyos a babai, single sadiay Sitio Amulong, Poblacion, Paracelis, Mt. Province iti naisayangkat a search warrant ita nga aldaw.
Iti naisayangkat a search warrant iti pagtaengan ti babai, naala iti suspek ti walo a sachets ti maatap a shabu no sadino tunggal sachet ket naglaon iti walo a gramo.
Ti nakumpiskar a shabu iti suspek ket addaan iti gatad nga agarup P54-K.
Balligi ti nasao nga operasyon babaen ti Philippine Drug Enforcement Agency Cordillera-Mt. Province Provincial Office kaduada ti Paracelis Municipal Police Station.
Iti agdama, naiturong ti suspek iti kustodiya ti Paracelis Municipal Police Station para iti panakaipila ti kaso kenkuana a panaglabsing iti Republic Act 9165 wenno ti Comprehensive Dangerous Drugs Act of 2002.
