BAGUIO CITY – Natiliw ti 35-anyos nga Indian national a suspek iti hit-and-run incident idiay Quirino Highway, MRR-Queen of Peace itay agsapa.
Maibasar iti imbestigasyon ti Baguio City Police Office – Station 1, nagtaud ti van manipud Fairview, Baguio City ken paturong iti central business district idi killaat a dinungpar ti minivan.
Gapu iti daytoy, nagsagrap iti dunor ti 38-anyos a driver ti van, residente ti Upper Fairview, Baguio City bayat a nakataray ti nakadungpar a minivan nga imanmaneho ti 35-anyos nga Indian national, residente met ti Upper Pinget, Baguio City.
Nupay nakataray ti suspek, nabigbig metlaeng daytoy gapu ta natnag ti plaka ti luganna iti nakapasamakan ti insidente.
Natiliw daytoy dagiti kameng ti Baguio City Police Office Station 2 ken naiturong iti ospital para iti medical attention ken alchohol breath test bayat a naipan ti luganna iti Camp 7, Baguio City.
