--Ads--
BAGUIO CITY- Dumanon iti 350 a kadete ti Philippine Military Academy ti mangbukel iti Class 2026.
Pakaibilangan daytoy ti dua gasut dua pulo ket innem (226) a lallaki ken sangagasut dua pulo ket uppat (124) a babbai wenno pakabuklan ti tallo gasut, lima pulo.
Nagsapata dagitoy ken naipasidongda iti reception rites a naipatungpal itay agsapa iti PMA.
Daytoy ket kas indikasyon a mapasangbayda iti uneg ti PMA para iti panagrugi ti panagsanay dagitoy.
Kinuna ni PMA Acting Superintendent BGEN Julius Tomines a ti panagsapata dagiti kadete ket isu met ti panagbalin dagitoy a kameng ti Cadet Corps Armed Forces of the Philippines (CCAFP).
Ti nadakamat a bilang dagiti mangbukel iti 4th class cadets ket dagiti nagasat a pimmasa iti eksaminasyon.//WL