BAGUIO CITY – Agtaltalinaed kadagiti evacuation centers ti 36 a pamilya a katukad ti 155 a tattao iti siudad ti Baguio ken probinsia ti Benguet gapu iti agtultuloy a panagtudo.
Sigun iti Office of Civil Defense-Cordillera, dumanon iti 61 a pamilya wenno 273 nga indibidual iti rehion Cordillera ti naapektaran iti saan a nasayaat a sasaaden ti panawen.
Nailista met ti dumanon 40 a panagreggaay ti daga ken panakadadael ti riprap wenno kabiti iti rehion.
Nadadael pay ti 20 a babbalay iti siudad ti Baguio ken 13 kadagitoy ti partially damaged bayat a 7 ti totally damaged.
Nadadael ti 22 a pagadalan iti rehion gapu iti napigsa a tudo ken agtaltalinaed a nakarikep ti 10 a national road sections iti Cordillera.
Mapaspasaran ita iti Benguet ken Baguio ti nakapoy agingga napigsa a panagtudo ngem awan ti class suspension.
