--Ads--
BAGUIO CITY – Nanayonan iti 364 ti pwersa ti Police Regional Office Cordillera (PROCOR) gapu iti Localization of Assignment Program ti Philippine National Police (PNP).
Nupay kasta, dumanon met iti 51 a personnel ti PROCOR ti naiyakar iti destino.
Maibasar iti datus, 25 kadagitoy ti naiyakar sadiay PRO1; 16 sadiay PRO2; 4 sadiay BAR, sag-2 sadiay PRO3 ken PRO6 ken saggaysa sadiay PRO9 ken CALABARZON.
Nagtaud met iti nagduduma a police regional offices dagiti naiyakar ditoy rehion Cordillera.
Maidestino dagiti reassigned personnel iti siudad wenno munisipyo a nagtaudanda tapnu makadwa ti pulis ti pamilyana ken mapatibker ti relasyon dagitoy.
