Natignay metten ti 37,740 a police personnel iti intero a pagilian ita nga aldaw, sigun iti Philippine National Police.
Saklawen ti nasao a bilang ti 45,974 a pagadalan iti intero a pagilian, pakairamanan ti 38,292 public ken 7,682 private institutions, kas maibasar iti naberipikar a datos ti DepEd sipud idi Hunio a kuatro.
Naimuntar metten ti pakabuklan a 5,079 Police Assistance Desks nga asideg kadagiti pagadalan nga imanmanaher ti 10,759 a kameng ti nasao nga ahensia.
Kabayatanna, dumanon iti 10,687 nga opisial ti naka-assign kadagiti mobile patrol, bayat a 16,366 ti mangisayangkat iti foot patrol tapno mamintinir ti visibility kadagiti high-density ken critical areas.
Kadagiti regional units, ti Police Regional Office 7 idiay Central Visayas ti kaaduan a naka-deploy ti personnel nga addaan iti 7,366 nga opisial, sinaruno ti PRO 5 idiay Bicol nga addaan iti 2,962, PRO 8 idiay Eastern Visayas nga addaan iti 2,376, ken ti National Capital Region Police Office nga addaan iti 4,323 nga opisial a mangsaklaw iti 1,204 a pagadalan.
Idiay Mindanao, nangideploy ti PRO Bangsamoro iti 2,898 a personnel iti intero a 657 a pagadalan.
