Pimmusay ti 38 nga indibidual kalpasan ti panagraut ti Allied Democratic Force (ADF) iti maysa a simbaan sadiay Komanda city, Congo idi Domingo, July 27, 2025.
Malaksid iti dayta, 15 nga indibidual ti nadangran bayat a sumagmamano a babbalay ken shops ti nauram gapu iti napasamak nga insidente.
Sigun iti civil society coordinator ti nasapasamakan ti insidente, napalpaltugan dagiti dadduma, bayat a nauram dagiti sumagmano a pimmusay iti uneg ken ruar ti simbaan.
Maipalagip a dinosdosina a tattao ti pinapatay metlaeng ti nasao a grupo idiay Ituri, Congo iti un-una ti agdama a bulan.
Inladawan daytoy ti United Nations spokesperson a bloodbath.
Dagiti kameng iti Allied Democratic Force ket nakikadua iti Islamic State rebel, maysa a grupo nga agtigtignay iti magbaetan ti Uganda ken Congo.
