BAGUIO CITY – Nakemmeg ti 4 a lallaki kalpasan a naaktuwan ti panagaramatda ti iligal a droga sadiay Toyong, Pico, La Trinidad, Benguet idi kanikadua.
Nabigbig dagitoy a da Stafin Calion Olsim Jr., 54-anyos, naasawaan, self-employed, tubo ng Buguias, Benguet; Raymark Sosa Granil, 25-anyos, baro, porter, sigud a drug surrenderee, tubo ti Tarlac; Ariel Bawas Degyen, 38-anyos, naasawaan, porter, sigud a drug surrenderee, tubo ng Bokod, Benguet ken ni Mark Jason Kidsolan Nugal, 30-anyos, baro, laborer, bin-ig a residente ti La Trinidad, Benguet.
Nakemmeg dagiti uppat kalpasan a nagresponde dagiti operatiba iti report seknan iti panag-pot session dagitoy.
Nakumpiskar kadagitoy ti walo a pakete ti shabu ken nagduduma a drug paraphernalia.
Sumangsango dagitoy iti kaso a panaglabsing iti Comprehensive Dangerous Drugs Act of 2002. (-Bombo Maureen Bassit)
