BAGUIO CITY- Nakemmeg ti uppat a drug pushers a pakairamanan ti maysa a menor de edad sadiay munisipyo ti Tinglayan, probinsia ti Kalinga.
Nabigbig dagitoy a da Abdul Gafar Batuaan; Jonas Ang; Andre Gonzalo Lazada, agpapada nga agtawen iti disi-otso ken maysa a menor de edad; bin-ig a residente ti Santiago City, Isabela.
Nakemmeg dagitoy iti checkpoint operation sadiay Bangad, Tinglayan, Kalinga babaen iti nagtitipon a pwersa ti pulisya ken PDEA.
Maibasar iti report, nakalugan dagitoy iti dua a motorsiklo manipud Buscalan, Tinglayan ken paturong sadiay Santiago City, Isabela ngem napasardeng dagitoy iti nasao a checkpoint.
Ditoy a nakumpiskar manipud iti ikot dagiti suspek ti 6,500 a gramo ti napangago a marijuana leaves nga aggatad iti agarup nasurok P812,500.
