BAGUIO CITY – Mangipasdek ti Bureau of Jail Management Penology (BJMP) – Cordillera iti uppat a jail building ditoy rehion inton sumaruno a tawen.
Segun kenni Jail Senior Inspector Ray Cabradilla, dadaulo ti logistic division ti nasao nga opisina, dumanon iti nasurok kumurang limapulo ket lima a milyon a pisos ti inlatang ti central office dagitoy para kadagiti nasao a proyekto.
Kinunana a maysa ti maipasdek sadiay Apayao; Tabuk City, Kalinga; ken Kiangan ken Alfonso Lista sadiay probinsya ti Ifugao.
Inlawlawagna a panggepda a manayunan dagiti pagbaludan tapnu maksayan ti panaglilinetlet dagiti balud.
Innayunna a babaen met laeng iti daytoy ket masurotda ti standard nga itudtuding ti United Nations.
Naamuan nga umad-adu ti balud ditoy Cordillera kasaruno pay laeng ti naingetan a kampanya ti gobyerno kontra iti iligal a droga.
Iti agdama a tawen ket dumanon iti nasurok 1, 300 ti pakabuklan a bilang dagiti balud ditoy rehion, nangatngato nu idillig iti nailista a bilang idi napalabas a tawen a saan a dumanon iti sangaribu.
———————-Filipino translation —–
BAGUIO CITY – Magpapatayo ang Bureau of Jail Management Penology (BJMP) – Cordillera ng apat na jail building sa rehiyon sa susunod na taon.
Ayon kay Jail Senior Inspector Ray Cabradilla, chief logistic division ng nasabing opisina, aabot sa higit kumulang P55-M ang inilaan ng kanilang central office na pondo para sa nasabing mga proyekto.
Sinabi niya na ang mga gusali ay ipapatayo sa Apayao; Tabuk City, Kalinga; at Kiangan at Alfonso Lista sa lalawigan ng Ifugao.
Paliwanag niya, layunin nila na madagdagan ang mga bilanggoan upang mabawasan ang pagsisikipan ng mga preso.
Dagdag pa niya, bahagi din ito ng pagsunod nila sa standard na itinakda ng United Nations.
Napag-alamang dumami ang mga preso sa Cordillera kasunod pa rin ng nahigpitang kampanya ng pamahalaan laban sa iligal na droga.
Ngayong taon ay higit 1, 300 ang kabuuang bilang ng mga preso sa rehiyon, mas mataas kung ikumumpara sa naitalang bilang noong nakaraang taon na hindi umabot sa 1, 000.
