BAGUIO CITY–Nakemmeg ti uppat a lallaki kalpasan ti maatap a panangibiaheda iti pakabuklan a 112 a kilo ti marijuana bricks nga aggatad iti P13.4-M sadiay in Barangay Bantay, Tabuk City, Kalinga idi kalman.
Nabigbig dagitoy a da Augusto Formales Galicia, 37-anyos, naasawaan ken driver manipod iti Peñafrancia, Magamit City, Antipolo; ni Eduardo Libao Patiga, 36-anyos, truck helper ken manipod East Rembo, Makati City; Wenceslao Formales Galicia, 24-anyos, driver ken manipod sadiay Francia Antipolo City ken ni Benedick Esperito Camia, 22-anyos, helper manipod Anabo, Imus, Cavite.
Sigun kenni Tabuk City Police chief Police Col. Radino Belly, nakaawatda iti impormasion seknan iti mapapati nga operasion a panangibiyage dagiti suspek kadagiti marijuana a dagos met a rinesondean dagitoy.
Nagresulta daytoy iti balligi a pannakatiliw dagiti nasao a lallaki kabayatan ti panagdalyasatda kadagiti checkpoints nga insayangkat dagiti otoridad sadiay Bantay, Tabuk City nu sadinno nakalugan dagitoy iti lugan nga addaan iti plaka nga NGF 59-92 .
Sumangsango dagiti suspek iti kaso a panaglabsing iti RA 9165 wenno ti Comprehensive Dangerous Drugs Act of 2002.
Kabayatanna,
Balligi a nakemmeg ti maysa nga indibidual kalpasan ti bust operation nga inasayangkat dagiti otoridad sadiay Lusong, Buguias, Benguet idi kalman.
Nabigbig daytoy a ni Benito Berioso Delvo alyas VIADOR, 29-anyos, tubo ti Santa Cruz, San Miguel, Leyte ken residente ti Bekes, Buguias, Benguet.
Maibasar iti report, ginandat ti suspek nga agilako iti maysa a pakete iti maatap a shabu kadagiti otoridad a nagparamang kas buyer.
Nakumpiskar manipod kenkuana ti maysa a pakete ti maatap a shabu nga agdagsen iti 0.12 gramo a mapatta-patta nga aggatad iti P816.00
Sumangsango daytoyen iti kaso a panaglabsing iti RA 9165 wenno ti Comprehensive Dangerous Drugs Act of 2002.
