--Ads--
BAGUIO CITY – Nakemmeg ti uppat nga indibidual kalpasan a natiliwan dagitoy nga agsugsugal iti maysa a billiard hall sadiay Gusaran, Camp 6, Tuba, Benguet.
Nabigbig dagiti nasao nga indibidual a da Jimly Pago, 28-anyos; Alex Tao-ey, 30-anyos; Jerry Liclic, 56-anyos; ken Clifford Dasing, 35-anyos, bin-ig a residente ti nasao a lugar.
Nakemmeg dagitoy babaen iti insayangkat ti Tuba PNP ken Intelligence personnel ti Benguet PPO nga operasyon ti anti illigal gambling.
Nakumpiskar manipod kadagiti suspek ti P380 a taya ken nagduduma a mahjong paraphernalia.
Sumangsango dagiti nasao nga indibidual iti panaglabsing iti anti-illigal gambling.
