BAGUIO CITY – Nakemmeg ti uppat nga indibidual a pakairamanan ti tallo a babai ken dua kadagitoy ti masikog iti impatungpal a drug a buy-bust dagiti operatiba ti PDEA-Codillera iti maysa a hotel sadiay Kisad Road, Baguio City.
Nabigbig ti lalaki a suspek a ni Clifford Remolar alyas “Clif,” agtawen iti uppat a pulo ket walo, ken residente iti Magnolia Street, QM Subdivision, Baguio City bayat a dagiti tallo a babbai ket saan a nainaganan.
Naala iti ikot dagiti suspek ti uppat a transparent plastic sachet a naglaon iti maatap a shabu, sangapulo ket maysa sachet a naglaon iti residue ti maatap a shabu, uppat a pidaso ti P1, 000 a boodle money ken dadduma pay a drug paraphernalia.
Sigun kenni Nieve Wadingan, team leader ti operatiba, nabayag a pinalpaliiwda dagiti nasao nga indibidual a kameng ti lokal a sindikato ti droga ditoy siudad agingga nga impatungpalda ti nasao a buy-bust operation.
Iti agdama ket sumangsango dagitoy iti kaso a panaglabasing iti Comprehensive Dangerous Drugs Act of 2002.
