--Ads--
Pinasingkedan ti Department of Foreign Affairs (DFA) ti kinatalged dagiti 40 a Filipino crew members a naglugan iti barko a dinnungpar ti Chinese fishing vessel iti Singapore Strait.
Sigun kadagiti report, napasamak ti panagdinnungpar ti Panama-flagged bulk carrier First Margaux ken ti Chinese fishing vessel idi Setiembre 17.
Naala ti insidente iti nag-viral a video a pakangngegan iti audio ti sumagmamano a tripulante nga agsasao iti pagsasao nga Ilocano.
Impanamnama ni DMW Secretary Hans Cacdac iti publiko nga awan ti naipadamag a nadangran a Pilipino iti nasao nga insidente.
Iti agdama, agkalkalap paylaeng dagiti maseknan nga otoridad iti kanayonan a detalye manipud iti lisensiado a manning agency ti barko.
