Makapasar ti uppat a pulo a lugar iti pagilian iti danger level heat index intoN bigat sigun iti kaudian a monintoring ti Philippine Atmospheric, Geophysical, and Astronomical Services Administration (PAGASA).
Sigun iti monitoring ti nasao nga ahensia, makapasar ti NAIA, Pasay City;Tuguegarao City, Cagayan; ISU Echague, Isabela; Baler (Radar), Aurora; Casiguran, Aurora; Alabat, Quezon; Catbalogan, Samar; Coron, Palawan; Puerto Princesa City, Palawan; Aborlan, Palawan; Daet, Camarines Norte; Siquijor, Siquijor Davao City, Davao del Sur; Surigao City, Surigao del Norte ti heat index a 42°C bayat a manamnama a dumanon iti 43°C ti libel ti heat index sadiay Sinait, Ilocos Sur; Laoag City, Ilocos Norte; MMSU, Batac, Ilocos Norte; Aparri, Cagayan; Iba, Zambales; Cubi Point, Subic Bay, Olongapo City; Sangley Point, Cavite; Ambulong, Tanauan, Batangas; San Jose, Occidental Mindoro; Legazpi City, Albay; Masbate City, Masbate; Tacloban City, Leyte; Borongan, Eastern Samar; Dipolog, Zamboanga del Norte.
Mainaig iti dayTA, dumanon iti 44°C ti heat index iti Cuyo, Palawan; Roxas City, Capiz; Iloilo City, Iloilo; Dumangas, Iloilo; Catarman, Northern Samar; Guiuan, Eastern Samar; Zamboanga City, Zamboanga del Sur ken ti Bacnotan, La Union Virac (Synop), Catanduanes a dumanon iti 45°C.
Sigun pay iti PAGASA, makapasar ti Dagupan City, Pangasinan; CBSUA-Pili; Camarines Sur; Butuan City, Agusan del Norte ti heat index a 46°C.
Kabayatanna, agtaltalinaed a kababaan ti heat index iti siudad ti Baguio a dumanon iti 25°C.
Sigun iti nasao nga ahensia, posible a makasapasar ti heat cramps, heat stroke ken heat exhaustion dagiti indibidual kadagiti lugar nga addaan ti danger level heat index, manipud 42°C agingga 51°C.
Mabilbilin ti publiko nga agtalinaed a hydrated, limitaran dagiti outdoor activities ken agusar ti presko a bado, tapno maliklikan dagiti nadakamat a sakit ken dadduma pay a heat-related illnesses.
