![](https://img.bomboradyo.com/baguio/2019/09/lechon4.jpg)
BAGUIO CITY – Libre a naiwaras iti publiko ti 40 a pidaso ti lechon baboy a nailatag iti deppaar iti Session Road, siudad ti Baguio idi kalman.
Kangrunaan a tampok daytoy iti kaunaan a Lechon Festival ditoy Baguio City iti baet ti pangta ti sakit nga African Swine Fever.
![](https://img.bomboradyo.com/baguio/2019/09/lechon2.jpg)
Adu a tattao ti nagpila manipud Upper Session Road agingga Lower Session Road tapnu laeng maramananda ti libre a lechon ng indonar dagiti miembro ti Baguio City Hog Dealers.
Sigun kenni Frelyn Victorio, maysa a hog raiser ditoy siudad, natalged dagiti naiwaras a lechon gaputa dimmalan daytoy iti nainget nga inspeksyon.
Kinunana a panggep ti aktibidad a paneknekan nga awan ti African Swine Fever kadagiti taraken a baboy ditoy lokalidad.
![](https://img.bomboradyo.com/baguio/2019/09/lechon5.jpg)
Kabayatanna, inton October 5, Sabado ket maisayangkat manen ti Lechon Festival iti Baguio City Public Market. (-with Bombo Brigitte Marcasi)