Dumanon iti nagbaetan ti 60,000 ken 80,000 a sangakabbalayan – wenno agingga iti 400,000 nga indibidual – ti puersado a napapanaw iti pagtaenganda idiay North Darfur, Sudan kalpasan nga inala ti grupo ti Rapid Support Forces ti kampo dagitoy, maibasar iti datos manipod iti International Organization for Migration ti United Nations.
Nagun-od ti Rapid Support Forces ti kontrol kalpasan ti uppat nga aldaw a panangrautda, a sigun iti gobierno ti Sudan ken dagiti aid groups a ginasgasut ti pimmusay ken nadangran.
Iti inisial a listaan manipod iti lokal a gobierno, maiparparangarang a tallo a gasut a sibilian ti napapatay idi Biernes ken Sabado iti aglawlaw ti Zamzam ken Abu Shouk displacement camps ken ti ili ti al-Fashir iti North Darfur, Sudan.
Karaman kadagiti napapatay ti sangapulo a humanitarian personnel manipod iti Relief International, a napapatay bayat ti operasionda iti maysa kadagiti health centers iti Zamzam camp, sigun iti pannakangiwat ti United Nations.
