--Ads--
BAGUIO CITY – Nakemmeg ti 41-anyos a babai, naasawaan, businesswoman ken residente ti Banao, Bauko, Mountain Province gapu iti kaso na a panaglabsing iti Republic Act 9165 Section II article 5 wenno ti Distribution abd Transportation of Dangerous Drugs.
Natiliw daytoy babaen iti bileg ti warrant of arrest nga inserbi ti nagtinnulong a puersa ti Baguio City Police Office, Philippine Drug Enforcement Agency Cordillera ken dadduma pay a unit ti pulisya.
Nailista ti akusadao kas Regional Top 10 Drug Personality – High Value Individual.
Iti agdama, imet ti Police Station 8 ti akusado para iti umno a dokumentasyon sakbay a maipaima iti maseknan a korte.//Bombo Jez Lapizar
