ARINGAY, LA UNION – Pinaglibakan ti 41-anyos a maestra ti immunan a nagwaras a damag nga arigna a pinagbalinda a hotel ti uneg ti maysa a classroom idiay Aringay, La Union.
Iti interview ti Bombo Radyo La Union kenni Teacher Anabelle, saanna a pudno a nagan, 41-anyos, residente ti Barangay Galano, Aringay, La Union, inaklonna a kadwana ti karelasyonna iti uneg ti classroom iti Galano Elementary School idi Marso 20 ngem kinunana a nagsinadan iti asawana.
Sigun kenkuana, kinatungtongna ti principal ti nasao a pagadalan a nu mabalbalin ket agtalinaed pailaeng iti uneg ti classroomda iti uneg ti dua a lawas gapu ta adda ti saanda a nagkikinnaawatan iti kabsatna.
Maipalagip nga idi alas nuebe kwarentay singko ti rabii idi Marso baente, napan ti asawa ti maestra ken ti anakda iti pagadalan tapno sarungkaranda ti nasao a mannursuro ngem ditoy a nakitada dagiti dua a maatap nga agnanaig gapu ta lamo-lamo dagitoy ken agin-innarakupda.
Dagus a nagpatulong ti 45-anyos nga asawa ti maestra iti barangay captain agingga a naiyawag met kadagiti otoridad.
Nupay kasta, pinaglibakan ni Anabelle ti alegasyon ti asawana nu sadino impettengna a saanda a lamo-lamo ken saanda nga agnanaig.//Bombo Radyo La Union
