Puntiria ti City Environment and Parks Management Office (CEPMO) ti 43% a greencovers wenno greenspaces iti siudad ti Baguio.
Iti pannakiuman ti Bombo Radyo kenni Atty. Rhenan Diwas, dadaulo ti City Environment and Parks Management Office, kinunana nga idi tawen 2019 agingga iti agdama a tawen, dakkel ti nagbaliwan ken panangngato ti greencovers.
Sigun kenkuana, daytoy ket gapu iti agtultuloy a panangpasayaat ken panagrekober kadagiti parke, barangay ken dadduma pay a lugar a mabalin a pagmulaan.
Iti panagadal ti nasao nga opisina, 32% ti status ti siudad nu maipapan iti greenery ngem inlawlawagna nga adda ti dua a panagadal a naisayangkat.
Ti umuna ket ti greencovers a dumanon iti 36%, bayat a ti greencanopies ket dumanon iti 28%.
Ti greencover ket ti paset ti daga a nakoberan ti vegetation, bayat a ti green canopy ket ti layer ti bulong, branches a mangipapaay ti linung.
Impeksa ni Melody Liaban, Forest Technician 2 ti Community Environment and Natural Resources Office a dakkel ti maitultulong ti national regreening program gaputa adda ti nabannayat a panangngato ti forest covers iti rehion Cordillera.
Sigun kenkuana, nu idilig idi 2011 ken ti agdama a tawen, ngimmato daytoy iti tallo pulo a porsiento.
Babaen kadagiti tree planting a maisaysayangkat ket napartak a masukkatan dagiti mapukpukaw wenno matmatay a kayo
