LA TRINIDAD-Maisagsaganan iti kaskenan a dokumenta para iti panakainquest ti maysa a kwarentay tres anyos a babae, single, massage therapist ken residente sadiay Tumana street, Marikina City kalpasan a nagtakaw daytoy ti maysa kadagiti kadakkelan a supermarket iti munisipyo ti La Trinidad, Benguet idi kalman.
Maibasar iti imbestigasyon dagiti otoridad, manarimaan a buy-buyaen wenno obobserbaren ti complainant ti Closed Circuit TV iti uneg ti CCTV room ti nasao a sueprmarket idi nadlawna a sinumrek ti maysa a grupo ti innem a babbae iti supermarket.
Maysa kadagiti innem a babbae ti nangala ti pushcart bayat a dagiti daduma ket nagpwesto iti sango ken likod ti pushcart carrier.
Napalabas ti sumagmamano a minutos, naobserbaran ti complainant a bayat nga agikabkabil dagiti babbae iti ngduduma a grocery items iti cart, maysa kadagitoy ket iyak-akarna dagiti grocery items iti green a handbag ken impasana daytoy iti suspek.
Kalpasanna pinartakan ti suspek a nagturong iti exit a saan nga nadnadlaw dagiti agbambantay.
Gapu iti dayta nagpatulong ti complainant kadagiti katrabahonna a kamaten ti suspek.
Nabaelanda met a natiliw ti suspek ken dagusda a kinita ti bagna a naglaon iti nagduduma a grocery items.
Sinaludsud ken biniruk ti complainant ti resibo ti suspek ngem awan iti maipakitana.
Gapu iti dayta, naiturong ti suspek kadagiti otoridad.
Dumanon met iti P15, 834 ti gatad ti grocery items a tinakaw ti suspek.//Bombo Noveh Organo
