BAGUIO CITY – Namnamaen ti publiko a nasaysayaaten ti serbisyo dagiti pulis iti Cordillera.
Babaen iti uppat a pulo ket innem a brand new police mobile a naiwaras kadagiti nagduduma nga istasyon ti pulisya iti rehiyon ket mapalawa ti disso a respondean dagiti pulis ken naparpartak ti panagrespondeda iti aniaman nga insidente wenno krimen.
Sigun kenni PCOL FREDDIE M LAZONA, Chief of the Regional Logistics and Research Development Division (RLRDD), naipaayan ti 19 a police mobile ti Abra Provincial Police Office; walo iti Kalinga PPO; tallo iti Apayao PPO; dua iti Benguet PPO, pito iti Ifugao PPO ken Mt Province PPO.
Sigun met kenni Regional Director, PBGEN MAFELINO A BAZAR, a makatulong dagiti baro a lugan a manggun-od iti puntirya ti PROCOR a saan a sumurok iti lima a minutos ti panagrespondeda iti aniaman a pasamak.
Dumanon iti P761 million ti gatad dagiti baro a police mobile nu sadino napundoan daytoy babaen iti Capability Enhancement Programs (CEPs) 2019, 2021, ken 2022
