--Ads--
Nagnegatibo iti alcohol ken droga ti 47-anyos a driver a karaman iti napasamak a car ramming iti Ninoy Aquino International Airport Terminal 1 itay napalabas.
Daytoy ket kalpasan ti naisayangkat a test ken medical evaluations, sigun iti Philippine National Police Aviation Security Group.
Naiparang met nga awan ti injury daytoy iti naipatungpal a physical examination.
Iti agdama, sitatalined ti drayber iti kustodiya ti Mobile Patrol Security Unit Detention Facility.
Maibasar iti video footage iti nasao nga insidente, ti SUV nga imanmaneho daytoy ket nag-accelerate paturong iti departure area ti nasao nga airport.
Kabayatanna, naipakaammo a ti rason ti ipupusay dagiti dua a biktima ket gapu iti trauma.
