LAOAG CITY – Nabagbagsol ti maysa a babai kalpasan a binagaanna ti kaarubana a kapsotanna ti volume ti videoke idiay Uno, Calayab, Laoag City idi kalman.
Ti biktima ket agtawen iti 47-anyos, negosyante bayat a ti suspek ket addaan iti legal nga edad ken agpada dagitoy a residente iti nasao a lugar.
Maibasar iti Laoag City Police Station, ala una ti parbangon ket rinumwar ti biktima tapno bagaanna dagiti agvidvideoke a kapsotanda ti volume gapu ta makaistorbo kadagiti matmaturog.
Nakaunget met ti suspek agingga a naaddaanda iti argumento.
Pimmanaw ti suspek ngem nagsubli metlaeng nga adda iggemna a natadem a banag ken ditoy a binagbagsolna ti biktima.
Adda met ti dua nga indibidual a nang-anawa iti suspek ken intarayda a dagus ti biktima iti ospital para iti pannakaagasna.
Iti agdama ket birbiruken dagiti otoridad ti suspek gapu ta naglibas daytoy apaman a napasamak ti nasao nga insidente.//via Bombo Radyo Laoag
