Nakaawat ti Independent Commission for Infrastructure (ICI) iti 48 a kahon ti dokumento mainaig iti naanomalyaan a flood control projects iti pagilian.
Pakairamanan daytoy ti dua a complaint affidavits iti flood control ken dadduma a public works projects sadiay Surigao del Sur.
Sigun iti ICI, dagiti dokumento ket impaima ti Philippine National Police (PNP).
Innayon ti nasao nga ahensia a sukimatenda a nasayaat dagiti naisubmitir a materiales ken aramidenda ti maiparbeng nga addang, tapno makasoan dagiti indibidual a responsable kadagiti naanomalyaan a flood control projects.
Ti pannakaisubmitir dagiti dokumento ket paset ti “collaborative efforts” dagiti ahensia ti gobierno, tapno maibestigaran dagiti iregularidad iti flood control projects.
