BAGUIO CITY – Napatawan ti tungpal biag a pannakaibalud ti 49-anyos a lalaki a ni a.k.a Toppe, maysa a high value target, residente ti Purok Magsaysay, Loakan proper, Baguio city ken tubo sadiay Pasig city.
Iti panggeddeng ti presiding judge ti regional trial court first judicial region branch 5 iti Baguio city, naduktalan a “Guilty Beyond Reasonable Doubt” ti nasao a suspek gapu iti illegal possesion ti droga wenno panaglabsing iti Section 11 Article II ti RA 9165.
Nakalanad pay iti pangeddeng ti korte a malaksid iti agnanayun a pannakakulong, mamulta ti suspek iti P400,000.00.
Mailagip a personal a witnesan ti Bombo Radyo Newsteam ti pannakatiliw ti suspek idi Setiembre 2025 iti residence daytoy sadiay Purok Magsaysay , Loakan proper babaen ti search warrant nga inpatungpal ti PDEA CAR Baguio- Benguet Provincial Office.
Nakompiskar manipud iti pagtaengan ti suspek ti tallo a pidaso ti heat sealed transparent plastics sachet nga agdagsen iti agarup 15 a gramo ken addaan ti Standard Drug Pricee (SDP) a P102,000.00.
Naikabil dagiti ilegal a droga iti uneg ti baby wipes.
Malaksid iti dayta, nakumpiskas ti nagduduma a drug paraphernalias kas iti lighters, foils, improvised tooter, glass tooter , improvised scoop, adu a piraso ti opened empty transparent plastic sachet with traces of shabu, aluminum strip, rolled foil ken kartib.
Balligi ti naipatungpal nga operasyon babaen iti nagtitinnulung a pwersa ti PDEA-CAR Baguio-Benguet Provincial Office kas lead unit, Philippine Drug Enforcement Agency – Cordillera Administrative Region, Regional Special Enforcement Team (PDEA-CAR RSET),BCPO Station 4, BCPO CDEU ken City Intelligence Team of the Regional Intelligence Unit 14.//Bombo Noveh Organo
