Naituding a mangrugi ti 4th Farmers and Fisherfolk Month Celebration sadiay La Trinidad, Benguet inton Mayo dise nuebe agingga Mayo baente nuebe iti agdama a tawen.
Iti nasao a selebrasyon ket mahighlight ti “La Trinidad Pandakoan Program” no sadino mailako dagiti produkto dagiti mannalon diretso kadagiti consumers iti nababbaba a presyo gapu ta saan a dumalan dagiti agricultural products kadagiti “middleman.”
Ti termino a “Pandakoan” ket ibaloi a termino a kayatna a sawen “marketplace.”
Inton Mayo dise nuebe iti agdama a tawen, maisayangkat ti Farmers Official For-A-Day; inton Mayo baente ket maipatungpal ti ribbon cutting ken ti launching ti La Trinidad Pandakoan Program, ti Search for the pinaka, ken folk media competition; inton Mayo baente uno ket ti Strawberry Technology Updates and Growers Forum; Mayo baente dos ket ti Urban Gardeners Day ken Cutflowers Day.
Kabayatanna, dagiti daduma pay nga aktibidad a maisangkat ket ti Organic Practitioners Assembly, Cacao and Coffee Day, Rural Improvement Club and 4H Club Day, Singing Contest, Search for Mr. and Mrs. Farmer 2025, Livestock, Fishery, and Beekeepers Day ken ti Awards and Culminating Activity.
Ti panakarambak ti bulan ti Mayo kas “Farmers and Fisherfolk Month” ket maitunos iti Presidential Proclamation No. 939 series of 1989.
