BAGUIO CITY – Naisayangkat ti surveillance drug test kadagiti Persons Who Use Drugs (PWUDs) a nagturposen iti Community-Based Drug Rehab Program ti City Social Welfare and Development Office ken dagiti faith-based organizations ditoy siudad ti Baguio.
Babaen daytoy ti koordinasyon ti Philippine Drug Enforcement Agency-Cordillera ken ti Baguio City Police Station 1, 2 ken 9 kas paset ti nasao a programa.
Dumanon iti 61 a PWUDs ti naipasidong iti nasao a drug test.
Agpada a nagpositibo ti resulta ti drug tests ti lima kadagitoy iti naisayangkat nga initial screening ken iti confirmatory test.
Gapu iti daytoy, maipasidong manen iti assessment dagiti lima a PWUDs ken maimpormaran dagiti Barangay Anti-Drug Abuse Council a mangsaksakop iti lugar dagiti nasao a PWUDs para iti kaskenan nga aksion kadagiti nasao nga indibidual.
